حوارات فى الميكروباصات

بواسطة mai haridy بتاريخ الخميس، 6 سبتمبر 2012 | 4:19 م

 أخوانا الأجرة مع بعض

الأجرة موحدة يا أخوانا إحنا بالليل

لسه فيه واحد مد فعش

حد ليه باقي

على جنب يا أسطى

الناصية الجايه يا ريس

ونبي أديله واحد يا خويا

خليهم أتنين معاك لو سمحت

خد أتنين من الجنيه وواحد من الخمسة جنيه

أبعت ربع جنيه ورا يا أسطى

الباقي يا أسطى عشان نازل

ونبي يا أسطى الربع جنيه دا مقطوع غيٌرة

حد معاه ربعين؟

معاك ربع و تاخد ُنص؟

حد عايز فكه 5- 10- 20

ثانيه واحده ونبي لما أنزل يابني

السواق :أنزلي يا حاجة براحتك

بيرد واحد من الركاب: ربنا يشفي كل مريض

ويبدأ الدعاء للسائق

متشكرة أوي يابني

ربنا يسهل لك طريقك يابني

ولله يا جماعه عليها أقساط

والمخالفات مبترحمش

ربنا معاك يا أسطى

قبل الكوبري معاك يا أسطى

قبل الكوبري ممنوع عشان فيه دوريه

يا جماعة اللي مد فعش ورا

كل العربية معاك

لسه واحد ناقص

ياخويا دا أبني و قاعد على حجري

دا واد صغير – عاوز أجرة عليه كمان

كل دا صغير يا ست- دا الواد في الجامعة اهو

يسمع منك ربنا ياخويا ويطلع دكتور أو
بشمهندس أد الدنيا


أيه يا أسطى- مش قلت لك على جنب


طيب يابيه مسمعتش


أنت أطرش ولا ايه


ليه الغلط يا افندي


انا اغلط زي ما انا عاوز


أنا أشتريك و أشتري عربيتك دي


خلاص يا جماعه صلوا على النبي


ماهو اللي بيغلط يا أخوانا- ولله مجيت جنبه


معلش يا أسطى


ولله يا أفندية الواحد مش عارف يعمل ايه للزباين


خليك أنت الكبير يا أسطى

نزلنا بعد الكوبرى ياكابتن

لا مينفعش فى ظابط هنا

 على جنب يا اسطى يمينك اللى جااى

 
اقفلى الباب بالراحة يا مدام


اووووف بقا هنتاحر شد حيك ياسطى والنبى 

الاسطى اعمل اييه لامواخذة يعنى اركب جناحان مهو الطريق واقف 

ديه حاجة تقرف الزبون شايف الطريق واقف وعايزنى امشى ازى

 معرفش ميكنش الطريق وخده لحسابى 

الراجل الى جنبه يضحك معلش يياسطى متاخرين عن شغلهم 

الاسطى وانا اعملهم اييه يعنى مينزلوا من بيوتهم بدرى

 حاجة بقت تقرف والله يابشمهندس الطريق كده كل يوم 

ديه حتى السجاير غليت والله ياباشا بتخلص علية فى اشارة يرضيك كده 

الراجل لا ميرضنيش اهو الطريق فتح يالله يامسهل اتكل على الله

0 التعليقات:

إرسال تعليق